Վերջին տարիների թրենդերից է Ինֆլուենսեր մարքեթինգը: Հատկապես 2018-ից հետո, երբ հայտնի մարդու մոտ ինտեգրացիա պատվիրելն ավելի արդյունավետ դարձավ, քան ուղիղ գովազդը, քանի որ մարդիկ ուղիղ գովազդը սկսեցին իգնոռ անել` անտեսել:
Եկեք մի քիչ փորփրենք հենց «Ինֆլուենսեր մարքեթինգի» մեղվի փեթակը:
Նախ Ինֆլուենսեր հասկացության մասին: Նախկինում influencer ասելով հասկանում էինք բացառապես հայտնի արվեստի գործիչ` երգիչ կամ դերասան, հետագայում այդ հասկացության տակ մտան նաև քաղաքական գործիչները, սպորտի ներկայացուցիչները և մեծ լսարան ունեցողները: Շատ ավելի ուշ Ինֆլուենսեր կարգավիճակ ստացան նաև նախագծերը, հատկապես օնլայն նախագծերը: Օրինակ` «ArmComedy»-ն, և որպես հետևանք Նարեկն ու Սերգեյը հիմա արդեն առանձին հանդես են գալիս նաև որպես անհատ Ինֆլուենսեր, կամ «Rearrange with Narek Amirkhanyan» նախագիծը և համապատասխանաբար Նարեկ Ամիրխանյանն առանձին:
Այս տիպի առաջխաղացման գլխավոր գաղափարն այն էր, որ այն գումարը, որը ծախսվում է թիրախավորված գովազդի վրա, ծախսվի Ինֆլուենսերի վրա, նա էլ իրենց ապրանքի կամ ծառայության մասին պատմի իր լսարանին: Սա աշխատում էր այն պատճառով, որ «մարդիկ հավատում են մարդկանց», ոչ թե կազմակերպություններին կամ կորպորացիաներին:
Ի դեպ, եթե ցանկանում ես բարելավել քո հմտությունները Facebook և Instagram գովազդի ոլորտում, ապա հունիսի 10-ին իրականացնում ենք Facebook Ads Pro մաստեր կլասը: Մանրամասները մաստեր կլասի էջում:
Միայն ասենք, որ մինչ ամսի 27-ը գրանցվողները ունենալու են անակնկալ, որի մասին ոչ մի տեղ ասված չի:
Հ.Գ. Այս գնով այս օֆլայն դաս թրեյնինգն անց է կացվելու վերջին անգամ:
Սակայն 2022 թվականից հետո տենդենցները փոխվեցին մի քանի պատճառով`
- Ինֆլուենսերների գները սկսեցին ավելի թանկ լինել քան թիրախավորված գովազդի գները (նույն KPI-երի չափման տեսանկյունից),
- Մեծ ինֆլուենսերների լսարանները սկսեցին ակտիվության ցուցանիշներով նվազել` սոց ցանցերի ալգորիթմների պատճառով,
- Ինֆլուենսերների հարթակները սկսեցին լինել չափից շատ հագեցած գովազդով:
Այս իրավիճակում Ինֆլուենսեր մարքեթինգի կիրառման մեջ կան մի քանի կարևոր փոփոխություններ, որոնց արժե ուշադրություն դարձնել 2023 թվականին: Բոլորի մասին հերթով:
-
Նպատակները: Նախկինում Ինֆլուենսեր մարքեթինգի հիմնական նպատակը վաճառելն էր: Դա իրականացվում էր պրոմոկոդերով կամ վաճառքի չափման այլ մեխանիզմներով, օրինակ utm-ով հղումներ դեպի կայք: Սակայն հիմա ուղիղ վաճառք ակնկալելը շատ դժվար է` գրեթե անիմաստ: Եվ սա այն պատճառով, որ ժամանակակից գնորդները դարձել են քմահաճ: Դրա փոխարեն կարելի է Ինֆլուենսերին օգտագործել Community ստեղծելու համար: Հայտնի մարդը կարող է օգնել զարգացնել բրենդի լոյալ ու ներգրավված Community-ն, դրդել մարդկանց «սիրել բրենդը», ոչ թե միանգամից գնել: Այո, այս տիպի կոմունիկացիայի kpi-ները չափելը դժվար է, սակայն սրա արդյունքում եկած հաճախորդը «քաշով մեկ ոսկի է»:
-
Խնդիրները: Մարդիկ սկսել են ճանաչել գովազդը: Այդ պատճառով Ինֆլուենսերի հաղորդակցությունը պետք է լինի հնարավորինս native, նույնիսկ եթե այն ունի #գովազդ մակնշում: Սա հնարավորություն կտա լսարանին «չշեղվել» իրենց սիրելի հայտնիին նայելիս/լսելիս/կարդալիս:
-
Բրիֆ: Ինֆլուենսերը պետք է հասկանա ինչի մասին է խոսում, պատկերացնի բիզնես պրոցեսը, հասկանա բոլոր դրական և բացասական կողմերը: Ինֆլուենսերը պետք է ունենա մեր, որպես պատվիրատու ակնկալիքների մասին և իր, որպես կատարող իրականացրած գործողությունների մասին ընդհանուր պատկերացում: Հնարավորինս պետք է մանրամասն խորանա գործողությունների և հետևանքների մեջ:
- Փորձառություն: Հնարավորության դեպքում Ինֆլուենսերը պետք է սեփական փորձառություն ունենա այն ապրանքի կամ ծառայության հետ, ինչից խոսում է, ինչի մասին պատմում է: Հորինված ու արհեստական բովանդակությունը մարդիկ զգում են: Դա պետք չի ոչ միայն բրենդին, նաև հենց Ինֆլուենսերին:
- Պրոցես: Ինֆլուենսերի հետ պետք է հստակ պայմանավորվել, բուն պրոցեսի մասին` ժամ, տեղ, ձև, մոտեցում: Բառերն ու գործողությունները նկարագրված են լինելու նախորդ կետով նշված Բրիֆում:
- Հրապարակում: Անպայման պետք է հետևել հրապարակման պահին, կարդալ բոլոր մեկնաբանությունները, հասկանալ մարդկանց արձագանքն ու անհրաժեշտության ժամանակ իրականացնել «Հակաճգնաժամային գործողություններ» նեգատիվի կառավարման համար:
- Զուգահեռ գործողություններ: Նախկինում Ինֆլուենսերների հետ արշավ իրականացնելիս միշտ դադարեցվում էր այլ տիպի արշավներն ու գովազդային ակտիվությունները` մաքուր/pure արշավը գնահատելու համար: Հիմա, ինֆորմացիոն աղմուկի պայմաններում նման «ճոխություն» չի կարելի թույլ տալ: Ինֆլուենսերի կոնտենտը պետք է ուժեղացնել տարբեր զուգահեռ արշավներով:
- Արդյունքների գնահատում: Սա ամենադժվար կետն է, քանի որ եթե նույնիսկ մեր գովազդն իրականացվեց, նույնիսկ եթե հենց այդ պահին գնումներ եղան, միևնույն է անհրաժեշտ է հասկանալ Community-ի ձևավորման հեռանկարները: Անկեղծ ասած սա ամենացավոտ կետն է, քանի որ բիզնեսների մեց մասը լիարժեք չեն էլ պատկերացնում իրենց բիզնեսի վրա «իրենց Community»-ի ազդեցությունը:
Այսպիսով այս բոլոր կետերը ճիշտ իրականացնելիս շանս կա, որ կունենաք հաջողություն ձեր առաջ դրված նպատակների ու խնդիրների իրականացման հարցում:
Որպեսզի ավելի կոնկրետ հնչի ասածս, փորձեմ սեփական արշավներից մեկի օրինակով ներկայացնել: Կարճ ասեմ, մեր գործընկերն է Japona սուշին, նոր խաղացող առանց այն էլ հագեցած առաքումով սուշիների շուկայում: Ես չեմ ցանկանում շատ խորանալ նպատակների ու խնդիրների մեջ, սակայն բացեմ փոքրիկ կոմերցիոն գաղտնիք` կիսվեմ այն բրիֆով, որը տվել ենք տղաներին:
Արդյունքը այս երկու ինտեգրացիաներն են`
Բրիֆը ձևավորելիս առաջնորդվել ենք հետևյալ «կանխավարկածով»` ստեղծել քոմմյունիթի, որը «կտժժա» ու «դռայվոտ» կլինի: Դրա համար Ջապոնա պատվիրելիս փորձում ենք ստեղծել հետադարձ կապ զանգահարողի հետ, որ զանգից հետո հաղորդակցությունը սկսի գնալ «թեթև», ի հաշիվ նրա, որ զանգողն ու օպերատորը փոխանակվում են «գաղտնաբառերով»:
Ուղղակի հենց հիմա(եթե ժամը 11:00-ից գիշերվա 1:30-նն է) զանգահարեք 043668822 հեռախոսահամարով և ասեք պարզապես` «Սերգեյը վեգան է»: Պատասխանից հետո հաստատ գոնե թեթև մտքերի փոխանակություն կբերի, որի արդյունքը կլինի այն, որ պատվեր իրականացնելիս սթերսը կլինի նվազագույնը:
Կա ևս մեկ թաքնված ուղերձ` որի մասին երևի հաջորդ հոդվածում:
#մնաթրենդիմեջ
Արտակ Հարությունյան